اسلام آباد میں وفاقی حکومت نے عالمی مالیاتی فنڈ کی شرط پر کیپٹو پاور پلانٹس پر ایک ہزار 247 روپے فی ایم ایم بی ٹی یو لیوی عائد کر دی ہے، جس کے بعد بجلی صارفین کو ریلیف دینے کی راہ ہموار ہو گئی ہے۔
حکومت کے مطابق اس لیوی سے حاصل ہونے والی رقم پاور سیکٹر کے تمام کیٹیگریز کے صارفین کے لیے بجلی ٹیرف میں کمی پر استعمال کی جائے گی۔ ذرائع کا کہنا ہے کہ صارفین کو ماہانہ بنیادوں پر بجلی کے بلوں میں ریلیف دینے کا منصوبہ تیار کیا گیا ہے۔
پیٹرولیم ڈویژن نے دسمبر 2025 کے لیے کیپٹو پاور پلانٹس پر لیوی کے نفاذ کا نوٹیفکیشن جاری کر دیا ہے۔ یہ اقدام آف دی گرڈ کیپٹو پاور پلانٹس لیوی ایکٹ 2025 کے تحت اٹھایا گیا، جبکہ وفاقی کابینہ پہلے ہی اس ریلیف کو بجلی صارفین تک منتقل کرنے کی منظوری دے چکی ہے۔
