تعلیمی اداروں کے اطراف اور مختلف شہروں میں منشیات اسمگلنگ کے خلاف بڑا کریک ڈاؤن

اینٹی نارکوٹکس فورس نے تعلیمی اداروں کے اطراف اور مختلف شہروں میں منشیات اسمگلنگ کے خلاف بڑا کریک ڈاؤن کرتے ہوئے 8 کارروائیوں میں 10 ملزمان کو گرفتار کر لیا۔ کارروائیوں کے دوران 70 لاکھ روپے سے زائد مالیت کی 52 کلو سے زیادہ منشیات برآمد کی گئیں۔ اسلام آباد کے علاقے سنٹرل پارک ڈی ایچ اے کے قریب 3 گاڑیوں سے چرس اور ویڈ برآمد کر کے 5 افراد کو گرفتار کیا گیا، جبکہ کراچی میں فاروق اعظم چوک کے قریب رکشے سے آئس برآمد ہوئی۔