کراچی میں پولیس کی کارروائیاں، 10 مغوی لڑکے اور لڑکیاں بازیاب، 3 ملزمان گرفتار
اینٹی وائلنٹ کرائم سیل (اے وی سی سی) پولیس نے شہر کے مختلف علاقوں میں چھاپہ مار کارروائیوں کے دوران بچوں سمیت 10 مغوی لڑکوں اور لڑکیوں کو بازباب جبکہ 3 ملزمان کو گرفتار کرلیا۔ نیوز کے مطابق گرفتار ملزمان کی شناخت حمد اختر افضل، محمد راشد اسماعیل اور ڈیکشن عرف علی ارشد مسیح کےناموں سے ہوئی۔ اے وی سی سی نے بتایا ہے کہ پولیس نے ٹیکنیکل اور ہیومن انٹیلیجنس کی بنیاد پر چھاپہ مار کارروائیوں کے دوران مغویوں کو بازیاب کیا۔ بازیاب ہونے والے بچوں میں 16 سالہ عبدالمعیز ، 2 سالہ اصغر علی، 4 سالہ موسیٰ، 11 سالہ ایان، 13 سالہ محمد ریحان، 14 سالہ محمد مزمل، 9 سالہ محمد شعبان، 16 سالہ تانیہ، 14 سالہ علیشاہ اور 14 سالہ ہمنہ ناز شامل ہے۔
