گوگل نے پاکستانی صارفین کے لیے انگریزی زبان میں اپنا سب سے طاقتور سرچ انجن اے آئی موڈ متعارف کرا دیا۔
جو صارفین کو پیچیدہ سوالات کے تیز، درست اور جامع جوابات فراہم کرنے کی صلاحیت رکھتا ہے۔
جس کے ذریعے اس کا اے آئی کی طاقت سے چلنے والا سب سے طاقتور سرچ انجن مقامی صارفین کو بھی دستیاب ہو گیا ہے موڈ پیچیدہ سوالات کے تیز تر اور جامع جوابات فراہم کرتا ہے۔
اس فیچر کے ذریعے صارفین ایک ہی وقت میں کئی سوالات کر سکتے ہیں اور ان کے جوابات تفصیل سے حاصل کر سکتے ہیں، یہ فیچر منصوبہ بندی، تحقیق اور سیکھنے کے عمل کو مزید آسان بناتا ہے۔
گوگل کا کہنا ہے کہ صارفین اب ناصرف ٹیکسٹ بلکہ تصویر کھینچ کر یا وائس کمانڈ کے ذریعے بھی سرچ کر سکیں گے، مثلاً کوئی خریدار کراچی کی مارکیٹ میں اجنبی مصالحوں کی تصویر لے کر پوچھ سکتا ہے کہ یہ مصالحے کون سے ہیں اور انہیں پاکستانی پکوان میں کیسے استعمال کیا جا سکتا ہے؟
گوگل کے مطابق اے آئی موڈ صارفین کو ویب پر موجود بہترین مواد دریافت کرنے میں مدد دے گا اور انہیں مختلف فارمیٹس میں متعلقہ معلومات تک رسائی دے گا، تاہم جہاں زیادہ اعتماد کے ساتھ جواب دینا ممکن نہ ہو، وہاں صارفین کو روایتی سرچ رزلٹس ہی دکھائے جائیں گے۔
یہ فیچر اب پاکستان میں گوگل ایپ (اینڈرائیڈ اور آئی او ایس) کے ساتھ ساتھ موبائل اور ڈیسک ٹاپ ویب پر بھی فعال کر دیا گیا ہے۔
