ندی میں ڈوبنے والے افراد کی لاشیں نکال لی گئیں

کراچی: گڈاپ ٹاؤن کونکر ندی میں ڈوبنے والے 7 افراد میں سے 4 کی لاشیں نکال لی گئیں۔
ترجمان ریسکیو 1122 کے مطابق امدادی ٹیموں نے ڈوبنے والے خاتون سمیت 4 افراد کی لاشیں نکال لی ہیں۔
انہوں نے کہا کہ اطلاع موصول ہوتے ہی ریسکیو ٹیم  روانہ کی گئی تھی اور پوری رات آپریشن کے بعد ندی سے لاشوں کو نکالا گیا ہےجن میں 60سالہ نابوک، 40سالہ جاوید شاہ، 45سالہ راجا اور 45 سالہ شخص شامل ہیں۔
کراچی کے مضافات کی ندیوں میں پانی کے بہاؤ میں اضافے کے بعد ملیر اور لیاری ندی کی سطح بلند ہونے سے سیلابی پانی گھروں میں داخل ہوگیا، بارشوں کے باعث کراچی کے مضافات میں مول ندی، کھدیجی ندی، جرندہ ندی میں پانی کے بہاؤ میں اضافہ ہوا، چاروں ندیوں کا پانی اکٹھا ہو کر ملیر ندی میں شامل ہونے سے ملیر ندی کی سطح بلند ہوگئی۔
کراچی میں بارش کے باعث ملیر ندی میں طغیانی ہے جام صادق پل کے نیچے ہیوی مشینری اور کنٹینرز ڈوب گئے۔ پانی کے تیز بہاؤ سے ہائی ٹینشن پول کی بنیادوں سے مٹی بہہ گئی۔