سابق ایم ڈی پیپکو اور ماہر توانائی طاہر بشارت چیمہ نے کہا ہے کہ ملک میں بڑھتی ہوئی مہنگائی کی بنیادی وجہ مہنگی ترین بجلی ہے، جس نے معیشت کو شدید مشکلات سے دوچار کر دیا ہے۔
جیو نیوز سے گفتگو کرتے ہوئے طاہر بشارت چیمہ کا کہنا تھا کہ مہنگی بجلی نے قومی معیشت کو تباہی کے دہانے پر لا کھڑا کیا ہے اور عوام پر مہنگائی کا بوجھ بڑھانے میں اہم کردار ادا کیا ہے۔
انہوں نے کہا کہ بجلی کی بلند قیمتوں کی بڑی وجہ آئی پی پیز کے ساتھ کیے گئے غیر متوازن معاہدے ہیں، جن کے باعث صارفین کو اضافی مالی بوجھ برداشت کرنا پڑ رہا ہے۔
طاہر بشارت چیمہ نے مطالبہ کیا کہ بجلی کے بلوں میں شامل فکسڈ چارجز اور دیگر غیر ضروری ٹیکسز کا خاتمہ کیا جائے تاکہ عوام کو ریلیف مل سکے اور معیشت پر دباؤ کم ہو۔
