امریکی صدر ڈونلڈ ٹرمپ نے کہا ہے کہ چین کی فوجی پریڈ کی تقریب متاثر کُن تھی

امریکی صدر ڈونلڈ ٹرمپ نے کہا ہے ہے کہ چین کی فوجی پریڈ کی تقریب متاثر کُن تھی لیکن چینی صدر کی تقریر میں امریکا کا ذکر ہونا چاہیے تھا۔
وائٹ ہاؤس میں پولینڈ کے صدر کیرول ناروکی  سے ملاقات میں میڈیا سے بات کرتے ہوئے ٹرمپ کا کہنا تھا کہ چین کی فوجی پریڈ کی تقریب خوبصورت اور  بےحد متاثر کُن تھی۔
امریکی صدر ڈونلڈ ٹرمپ نے چین میں فوجی پریڈ کی تعریف کی لیکن چینی صدر سے امریکا کا ذکر نہ کرنے کا شکوہ بھی کردیا،  پولینڈ کے صدر کیرول ناروکی سے ملاقات میں میڈیا سے بات کرتے ہوئے بولے کہ چینی صدر کی تقریر بھی سُنی، صدر شی جن پنگ میرے دوست ہیں۔
ٹرمپ نے کہا کہ چینی صدر کی تقریر میں امریکا کا ذکر ہونا چاہیے تھا کیونکہ امریکا نے چین کی بہت زیادہ مدد کی تھی۔
روس سے متعلق ڈونلڈ ٹرمپ کا کہنا تھا کہ اگلے ایک دو ہفتے میں معلوم ہوگا کہ روس سے تعلقات کتنے اچھے ہیں۔ روسی صدر کا نام لیے بغیر ٹرمپ نے کہا کہ آنے والے دنوں میں ان سے بات کروں گا۔
انہوں نے کہا کہ روسی صدر کے لیے کوئی پیغام نہیں ہے، روسی صدر کو معلوم ہےکہ میرا کیا مؤقف ہے، صدر پیوٹن کسی نہ کسی طرح فیصلہ کرلیں گے، روس کا جو فیصلہ ہوگا ہم اس پر خوش ہوں گے یا ناخوش، اگر ہم ناخوش ہوئے تو آپ ردعمل دیکھیں گے