اسرائیلی وزیر دفاع اسرائیل کاٹز نے خبردار کیا ہے کہ ایران نے اسرائیل پر حملہ کیا تو بھرپور طاقت کے ساتھ جوابی کارروائی کی جائے گی۔ ان کا کہنا ہے کہ اسرائیلی فوج ایران کی جانب سے ممکنہ حملے کے خطرے سے نمٹنے کے لیے مکمل طور پر تیار ہے۔
اسرائیل کاٹز کے مطابق ایرانی فورسز اس وقت خطے میں موجود مختلف امریکی فوجی تنصیبات کو نشانہ بنا رہی ہیں، تاہم اسرائیل کو خود بھی ممکنہ ایرانی حملے کا خدشہ ہے۔ انہوں نے کہا کہ یہودیوں کے اہم مذہبی تہواروں کے دوران حملے کے امکان کے پیش نظر اسرائیلی جنگی طیارے کارروائی کے لیے تیار ہیں۔
اسرائیلی وزیر دفاع نے واضح کیا کہ ایران نے اسرائیل پر حملہ کیا تو اسرائیل کسی دوسرے ملک کی مدد یا اجازت کا انتظار نہیں کرے گا اور اپنے دفاع میں براہِ راست کارروائی کرے گا۔
