کمشنر کراچی سید حسن نقوی نے شہر میں پولیو سے بچاؤ کی سات روزہ خصوصی مہم کا باقاعدہ افتتاح کر دیا۔ افتتاحی تقریب قومی ادارہ برائے امراضِ اطفال میں منعقد ہوئی، جہاں متعلقہ حکام بھی موجود تھے۔
محکمۂ صحت کے مطابق مہم کے دوران کراچی بھر میں 25 لاکھ بچوں کو پولیو سے بچاؤ کے قطرے پلانے کا ہدف مقرر کیا گیا ہے۔
حکام کا کہنا ہے کہ شہر کی تمام 201 یونین کونسلز میں خصوصی انسدادِ پولیو مہم چلائی جائے گی تاکہ پانچ سال سے کم عمر ہر بچے تک رسائی یقینی بنائی جا سکے۔
پولیو ٹیموں کی حفاظت کو یقینی بنانے کے لیے 7 ہزار 853 پولیس اہلکار تعینات کیے گئے ہیں، جو مہم کے دوران سیکیورٹی کے فرائض انجام دیں گے۔
