پرنس رحیم آغا خان پنجم کی شہباز شریف سے اہم ملاقات، تعلقات مزید مضبوط بنانے پر اتفاق

پاکستان کے پہلے سرکاری دورے پر آئے پرنس رحیم آغا خان پنجم کی وزیراعظم شہباز شریف سے اہم ملاقات ہوئی۔ وزیراعظم ہاؤس میں ناشتے کی تقریب کے دوران شہباز شریف نے کہا کہ پاکستان ہمیشہ پرنس رحیم کا دوسرا گھر رہے گا۔ وزیراعظم نے موسمیاتی تبدیلی، شمالی علاقوں میں ماحولیاتی استحکام اور ترقیاتی منصوبوں میں اے کے ڈی این کے کردار کو سراہا۔ اس موقع پر شہباز شریف نے مرحوم پرنس کریم آغا خان چہارم کی خدمات کو خراجِ عقیدت پیش کرتے ہوئے پاکستان پوسٹ کا یادگاری ڈاک ٹکٹ بھی پرنس رحیم کو پیش کیا۔