وزیرِ اعظم شہباز شریف کل ایران اور ترکیہ کے سرکاری دورے پر روانہ ہوں گے۔ ترجمان دفتر خارجہ طاہر حسین اندرابی کے مطابق وزیرِ اعظم ایران میں آیت اللّٰہ خامنہ ای کی نمازِ جنازہ میں شرکت کریں گے، جبکہ ان کے ہمراہ نائب وزیر اعظم اور وفاقی کابینہ کے دیگر ارکان بھی ہوں گے۔
ترجمان نے مزید بتایا کہ دوحہ میں ایران اور امریکا کے درمیان ہونے والے بالواسطہ مذاکرات میں پیش رفت ہوئی ہے، اور فریقین نے آئندہ دنوں میں مذاکرات جاری رکھنے پر اتفاق کیا ہے۔ اگلی ملاقات سابق ایرانی سپریم لیڈر کی تدفین کے بعد جلد طے کی جائے گی۔
دفتر خارجہ کے مطابق پاکستانی اور قطری ثالثوں نے دوحہ میں امریکی اور ایرانی مذاکرات کاروں سے الگ الگ ملاقاتیں کیں، جن میں مختلف امور خصوصاً مفاہمتی یادداشت پر مثبت پیش رفت ریکارڈ کی گئی۔
ترجمان نے ایک بار پھر افغان سرزمین کے دہشت گردی کے لیے استعمال پر تشویش کا اظہار کیا۔
ایک سوال کے جواب میں ترجمان نے کہا کہ پاک بھارت رہنماؤں کو لکھے گئے مبینہ خط سے متعلق حکومت پاکستان نہ اس کی توثیق کرتی ہے اور نہ ہی اس پر کوئی تبصرہ کرے گی۔
