بشکیک: وزیراعظم شہباز شریف دورہ کرغزستان مکمل کرکے پاکستان روانہ ہوگئے۔ کرغزستان کے صدر صدر صادیر ژاپاروف خود گاڑی چلا کر وزیراعظم شہباز شریف کو ایئرپورٹ لائے اور انہیں الوداع کیا۔
اعلامیے کے مطابق صدر ژاپاروف کا ایئرپورٹ پر وزیراعظم کو الوداع کرنا دونوں ممالک کے مضبوط اور برادرانہ تعلقات کی عکاسی کرتا ہے۔ ایئرپورٹ پر گفتگو کرتے ہوئے وزیراعظم شہباز شریف نے کہا کہ پاکستان اور کرغزستان کے درمیان اچھے تعلقات ہیں اور دورے کے دوران تجارت بڑھانے پر اتفاق ہوا۔
وزیراعظم نے بتایا کہ دوطرفہ تجارت کو موجودہ سطح سے بڑھا کر آئندہ دو سال میں 200 ملین ڈالر تک لے جانے کے معاہدے پر دستخط کیے گئے ہیں۔
