وزیر دفاع خواجہ محمد آصف نے کہا ہے کہ ان کے خلاف چلائی جانے والی پروپیگنڈا مہم سے بھارتی وزیر اعظم نریندر مودی کی ساکھ بحال نہیں ہو سکتی۔
بھارتی پروپیگنڈے پر ردعمل دیتے ہوئے خواجہ آصف نے کہا کہ ذاتی حملوں یا انہیں ذہنی طور پر غیر مستحکم قرار دینے سے اصل مسائل حل نہیں ہوں گے۔
انہوں نے دعویٰ کیا کہ پاکستان سے شکست کے بعد نریندر مودی شدید دباؤ کا شکار ہیں، اس لیے ان کے خلاف منظم پروپیگنڈا کیا جا رہا ہے، تاہم اس سے مودی کی ساکھ بہتر نہیں بن سکتی۔
وزیر دفاع نے مزید کہا کہ بھارت میں اپوزیشن رہنما راہول گاندھی بھی نریندر مودی کو ملنے والے بین الاقوامی اعزازات پر سوالات اٹھا چکے ہیں، جبکہ ایک برطانوی اخبار نے بھی ان اعزازات کی ساکھ اور شفافیت پر تحفظات کا اظہار کیا ہے۔
