لاہور میں پولیس نے قربانی کے جانوروں کی خریداری کے دوران جعلی نوٹوں سے دھوکہ دینے والے ایک ملزم کو گرفتار کر لیا ہے۔
ملک میں عید الاضحیٰ کے قریب آتے اور قربانی کے جانوروں کی خریداری کا رجحان بڑھنے کے ساتھ ساتھ متعلقہ جرائم بھی بڑھ رہے ہیں۔
پولیس کے مطابق ملزم عید الاضحیٰ کے قریب بیوپاریوں کو نشانہ بنا کر جعلی کرنسی کے ذریعے بکرے خریدتا تھا۔
حکام کا کہنا ہے کہ تھانہ شاہدرہ اور شاہدرہ ٹاؤن میں شکایات موصول ہونے کے بعد مقدمات درج کیے گئے اور اے ایس پی کی سربراہی میں ٹیم نے 12 گھنٹوں میں کارروائی کرتے ہوئے ملزم کو گرفتار کیا۔
پولیس کے مطابق ملزم رقم کی ادائیگی کے وقت جلد بازی سے کام لیتا اور بعد میں بیوپاریوں کو جعلی نوٹوں کا علم ہوتا تھا، جبکہ تحقیقات میں انکشاف ہوا ہے کہ وہ پشاور سے جعلی کرنسی منگواتا تھا۔
ملزم کو مزید تفتیش کیلئے انویسٹیگیشن و ایف آئی اے کے حوالے کر دیا گیا ہے
