روم: اطالوی وزیراعظم جارجیا میلونی نے اسکولوں میں طالبات کے نقاب یا برقعہ پہننے پر پابندی عائد کرنے کا اعلان کردیا۔
غیر ملکی خبر ایجنسی کے مطابق اطالوی حکومت کی جانب سے اسکولوں میں غیر ملکی طلبہ کی تعداد محدود کرنے کی تجویز بھی پیش کی گئی ہے، جس کے تحت ہر کلاس میں ایک مقررہ حد سے زیادہ غیر ملکی طلبہ رکھنے کی اجازت نہیں ہوگی۔
وزیراعظم جارجیا میلونی کے مطابق ان اقدامات کی کابینہ سے جلد منظوری لی جائے گی۔ انہوں نے مزید کہا کہ غیر ملکی طلبہ کے والدین کے لیے بھی اطالوی زبان سیکھنے کی شرط متعارف کرائی جائے گی۔
