تہران: پاسدارانِ انقلاب نے اعلان کیا ہے کہ آبنائے ہرمز بند کر دی گئی ہے اور اس راستے سے گزرنے کی کوشش کرنے والے کسی بھی جہاز کو نشانہ بنایا جائے گا۔
ایرانی پاسدارانِ انقلاب کی جانب سے جاری بیان میں کہا گیا ہے کہ امریکی اڈوں کے قریب موجود شہری فوری طور پر علاقہ خالی کر دیں، کیونکہ امریکی فوجی جہاں بھی ملیں گے انہیں نشانہ بنایا جائے گا۔ بیان میں مزید کہا گیا ہے کہ شہری اپنی حفاظت کیلئے امریکی فوجی تنصیبات کے قریب جانے سے گریز کریں۔
دوسری جانب امریکا اور اسرائیل کے ساتھ جاری کشیدگی کے باعث مشرقِ وسطیٰ میں جانی نقصان میں مسلسل اضافہ ہو رہا ہے۔
الجزیرہ کے مطابق ایران میں اب تک 1,937 افراد جاں بحق جبکہ 24 ہزار سے زائد زخمی ہو چکے ہیں۔ لبنان میں 1,094 شہری ہلاک ہوئے، جبکہ عراق میں بیرونی حملوں کے نتیجے میں 89 افراد جان سے ہاتھ دھو بیٹھے۔
اسی طرح متحدہ عرب امارات میں 11، کویت میں 6 اور بحرین میں 3 افراد ہلاک ہونے کی اطلاعات سامنے آئی ہیں۔
ماہرین کے مطابق آبنائے ہرمز کی بندش عالمی تجارت اور توانائی کی سپلائی کیلئے سنگین خطرہ بن سکتی ہے، جبکہ خطے میں کشیدگی مزید بڑھنے کا خدشہ ہے۔
