آئی سی سی نے ٹیسٹ پلیئرز کی نئی رینکنگ جاری کردی، جس میں پاکستان کے بابر اعظم کو بڑا دھچکا لگا ہے۔ بابر پانچ درجے تنزلی کے بعد 15ویں نمبر پر چلے گئے اور ٹاپ 10 سے باہر ہوگئے۔
ٹیسٹ بیٹرز میں انگلینڈ کے ہیری بروک کی پہلی پوزیشن برقرار ہے، جبکہ آسٹریلیا کے اسٹیو اسمتھ ایک درجے ترقی کے بعد دوسرے اور انگلینڈ کے جو روٹ تیسرے نمبر پر آگئے۔ سری لنکا کے کمیندو مینڈس 10ویں نمبر پر پہنچ گئے، جبکہ سعود شکیل 15 درجے بہتری کے بعد 18ویں نمبر پر موجود ہیں۔
بولرز کی رینکنگ میں آسٹریلیا کے مچل اسٹارک بدستور سرفہرست ہیں۔ نیوزی لینڈ کے میٹ ہنری دوسرے جبکہ انگلینڈ کے اولی رابنسن چھ درجے ترقی کے بعد پانچویں نمبر پر آگئے۔ پاکستان کے محمد عباس 15ویں نمبر پر موجود ہیں۔
