ممبئی: بالی وڈ اداکار سلمان خان نے ساتھی اداکارہ کترینہ کیف کا نام لیے بغیر ماں بننے کے بعد ان کے وزن میں اضافے پر سوشل میڈیا صارفین کے نامناسب تبصروں کو تنقید کا نشانہ بنایا۔
اپنے رئیلیٹی شو ’بگ باس 20‘ کی حالیہ قسط میں سلمان خان نے کہا کہ سوشل میڈیا پر بعض لوگ مشہور شخصیات کی ذاتی زندگی، جسمانی ساخت اور حلیے کو تنقید کا نشانہ بنا کر آمدنی حاصل کرتے ہیں۔
اداکار کا کہنا تھا کہ ماں بننے کے بعد وزن میں اضافہ ایک فطری عمل ہے اور کسی خاتون کو اس بنیاد پر تنقید کا نشانہ نہیں بنانا چاہیے۔ انہوں نے کہا کہ اداکارہ جب فلموں میں واپسی کریں گی تو دوبارہ خود کو فٹ کرلیں گی۔
سلمان خان نے کہا کہ کسی کو نیچا دکھا کر پیسہ کمانا ایسے افراد کی تربیت اور سوچ کی عکاسی کرتا ہے۔ انہوں نے مشہور شخصیات کے وزن، شکل و صورت، خاندان اور ذاتی معاملات پر تبصروں کو بھی تنقید کا نشانہ بنایا۔
انہوں نے کہا کہ کترینہ کیف کو اس وقت اپنے خاندان کے ساتھ وقت گزارنے دیا جانا چاہیے۔
سلمان خان نے خود پر ہونے والی سوشل میڈیا ٹرولنگ کا حوالہ دیتے ہوئے کہا کہ عمر بڑھنے کے ساتھ انہیں بھی تنقید کا سامنا کرنا پڑتا ہے اور 60 سال کی عمر میں وہ ہمیشہ ’میں نے پیار کیا‘ کے ہیرو کی طرح نظر نہیں آسکتے۔
