کراچی: جامعہ کراچی کے پروفیسر عارف ساقی نے مبینہ تشدد کے کیس میں نامزد نوجوان کونین شاہ سے صلح کرلی۔
ذرائع کے مطابق کونین شاہ نے گزشتہ رات پروفیسر عارف ساقی سے ان کے گھر جاکر ملاقات کی اور معذرت کی، جس پر پروفیسر نے انہیں معاف کردیا۔
جیو نیوز سے گفتگو میں پروفیسر عارف ساقی نے بتایا کہ حادثے کے دوران ان کے بھتیجے کی گاڑی کو پہنچنے والے نقصان کا ازالہ بھی کردیا گیا ہے۔
واضح رہے کہ تشدد کے مقدمے میں نامزد ملزم کونین شاہ ضمانت پر ہے۔
