امریکی صدر ڈونلڈ ٹرمپ نے ایران پر تازہ امریکی حملوں کو جائز قرار دیتے ہوئے خبردار کیا ہے کہ ایران نے جواب دیا تو امریکا مزید شدت سے حملے کرے گا۔ ٹرمپ کا کہنا ہے کہ امریکا کا سب سے بڑا حملہ ابھی باقی ہے اور اس کے بعد ایران کا بہت کم حصہ باقی بچے گا۔
ٹرمپ کے مطابق کارروائی آبنائے ہرمز میں ایران کی جانب سے بارودی سرنگیں بچھانے کے خدشے کے باعث کی گئی، تاہم ان کا دعویٰ ہے کہ اس وقت آبنائے ہرمز میں کوئی بارودی سرنگ موجود نہیں۔ انہوں نے کہا کہ امریکا کو آبنائے ہرمز پر تقریباً مکمل کنٹرول حاصل ہے۔
دوسری جانب امریکی وزیر خزانہ اسکاٹ بیسنٹ نے کہا کہ ایران معاہدے کے لیے تیار نہیں تھا، جس کے باعث مفاہمتی کوشش ناکام ہوئی۔ ان کے مطابق ایران کے پاس بالآخر مذاکرات کی میز پر واپس آنے کے سوا کوئی راستہ نہیں۔
