سوات کی سیف اللہ جھیل میں کشتی الٹنے کے واقعے کے بعد کشتی آپریٹر کو پولیس نے گرفتار کر لیا ہے اور اس کے خلاف مقدمہ درج کر لیا گیا ہے۔
ریسکیو حکام کے مطابق حادثے کے بعد لاپتا لڑکی کی تلاش کے لیے چوتھے روز بھی سرچ آپریشن جاری ہے۔ اب تک اس واقعے میں 6 افراد جاں بحق جبکہ 2 افراد کو زندہ بچا لیا گیا تھا۔
حکام کا کہنا ہے کہ کشتی میں لاہور سے تعلق رکھنے والے ایک ہی خاندان کے 9 افراد سوار تھے جو حادثے کا شکار ہوئے۔
