نیپرا نے کراچی میں طویل اور غیر اعلانیہ لوڈشیڈنگ پر کے الیکٹرک سے رپورٹ طلب کر لی ہے۔ حکام کے مطابق شدید گرمی کے دوران بجلی کی بندش، لوڈشیڈنگ شیڈول کی خلاف ورزی اور فالٹس کے بروقت ازالے میں تاخیر سے متعلق صارفین کی متعدد شکایات موصول ہوئی ہیں، جن کا جائزہ لیا جا رہا ہے۔
حکام نے بتایا کہ کے الیکٹرک لوڈشیڈنگ کے شیڈول کی پابندی نہیں کررہی، مختلف علاقوں میں فالٹ تاخیر سے دور کرنے کی شکایات بھی موصول ہوئی ہیں۔
