سربیا کے صدر الیگزینڈر ووچیچ نے پاکستان اور بھارت کے درمیان حالیہ کشیدگی کے تناظر میں دعویٰ کیا ہے کہ بھارتی فضائی دفاعی نظام کے ریڈار کو کامیابی سے نشانہ بنایا گیا تھا۔ ان کا کہنا تھا کہ دستیاب رپورٹس اس بات کی نشاندہی کرتی ہیں کہ ریڈار نظام متاثر ہوا، اگرچہ بھارت اس کی تردید کرتا ہے۔
سربیا کے صدر نے کہا کہ پاکستان اور بھارت کے درمیان ہونے والے معرکے میں چینی ساختہ ہتھیاروں نے غیر معمولی کارکردگی دکھائی۔ انہوں نے مزید دعویٰ کیا کہ چینی سیٹلائٹ نظام کی مدد سے یہ معلوم کیا جا سکتا تھا کہ ریڈار کو کہاں نشانہ بنایا گیا۔
الیگزینڈر ووچیچ کے مطابق مختلف ذرائع سے موصول ہونے والی اطلاعات بھارتی دفاعی ریڈار نظام کے متاثر ہونے کی جانب اشارہ کرتی ہیں، تاہم اس حوالے سے بھارت کی جانب سے تاحال مختلف مؤقف اختیار کیا جا رہا ہے۔
