ملک میں پیٹرولیم مصنوعات کے وافر ذخائر موجود، اوگرا نے افواہیں مسترد کردیں

آئل اینڈ گیس ریگولیٹری اتھارٹی (اوگرا) نے واضح کیا ہے کہ ملک میں پیٹرولیم مصنوعات کے وافر ذخائر موجود ہیں اور سپلائی کی صورتحال معمول کے مطابق ہے۔ اوگرا کے ترجمان نے عوام سے اپیل کی ہے کہ وہ افواہوں پر توجہ نہ دیں اور غیر ضروری خریداری سے گریز کریں۔ ترجمان کے مطابق پیٹرولیم مصنوعات کی ذخیرہ اندوزی میں ملوث عناصر کے خلاف سخت قانونی کارروائی کا فیصلہ کیا گیا ہے، جبکہ غیر قانونی ذخیرہ اندوزی ثابت ہونے پر متعلقہ مقامات کو سیل بھی کیا جائے گا۔