ہنگامی حالات میں میئر کراچی مرکزی اتھارٹی قرار

کراچی میں آگ، زلزلے اور سیلاب جیسی ہنگامی صورتحال سے نمٹنے کے لیے کمانڈ کا مسئلہ حل کرلیا گیا ہے اور اصولی طور پر فیصلہ کیا گیا ہے کہ ایسی کسی بھی ایمرجنسی میں میئر کراچی مرکزی اتھارٹی ہوں گے۔ مجوزہ قانون سازی کے بعد فائر بریگیڈ، ریسکیو 1122، سول ڈیفنس اور دیگر متعلقہ ادارے ضرورت پڑنے پر میئر کی نگرانی میں مشترکہ طور پر آپریشن انجام دیں گے۔