کراچی جانے والی ہزارہ ایکسپریس منڈی بہاؤالدین کے علاقے مونہ ریلوے اسٹیشن کے قریب پٹڑی سے اتر گئی
جہاں ٹرین کی پانچ بوگیاں متاثر ہوئیں۔ رپورٹس کے مطابق حادثہ اس وقت پیش آیا جب ٹرین اسٹیشن کے قریب پہنچی، تاہم خوش قسمتی سے کسی قسم کا جانی یا مالی نقصان نہیں ہوا۔
ریلوے حکام کے مطابق متاثرہ بوگیوں کی بحالی اور ٹرین کی روانگی کے لیے فوری اقدامات کیے جا رہے ہیں، جبکہ ریلیف ٹرین لالہ موسیٰ سے روانہ کر دی گئی ہے۔
