چیف آف ڈیفنس اسٹاف، فیلڈ مارشل سید عاصم منیر نے لیبیا کا سرکاری دورہ کیا اور لیبیائی مسلح افواج کے سربراہ فیلڈ مارشل خلیفہ حفتر سے اہم دفاعی امور پر ملاقات کی۔
انٹر سروسز پبلک ریلیشنز (آئی ایس پی آر) کے مطابق فیلڈ مارشل سید عاصم منیر نے لیبیا کا سرکاری دورہ کیا اور لیبیائی مسلح افواج کے سربراہ فیلڈ مارشل خلیفہ حفتر سے اہم دفاعی امور پر ملاقات کی۔
فیلڈ مارشل عاصم منیر اور لیفٹیننٹ جنرل صدام خلیفہ حفتر کے درمیان تفصیلی تبادلہ خیال میں پاکستان اور لیبیا کے درمیان باہمی دلچسپی کے امور، علاقائی سکیورٹی صورتحال اور دفاعی تعاون کے مختلف پہلوؤں پر بات کی گئی۔
اس دورے سے دونوں ممالک کے درمیان دفاعی تعلقات کو مضبوط بنانے اور باہمی تعاون کے نئے مواقع پیدا کرنے میں مدد ملنے کی توقع ہے۔
