راولپنڈی — وزیراعلیٰ خیبرپختونخوا سہیل آفریدی اور دیگر افراد کو انسداد دہشتگردی عدالت کی جانب سے اشتہاری ملزم قرار دینے کی کارروائی شروع کر دی گئی ہے۔
انسداد دہشتگردی عدالت کے احکامات کے مطابق مختلف مقامات پر نوٹسز چسپاں کر دیے گئے ہیں، جن میں جوڈیشل کمپلیکس میں بھی طلبی کے نوٹسز شامل ہیں۔
ملزمان میں سہیل آفریدی، مینا خان، امجد خان، شفیع اللہ جان اور امجد آفریدی شامل ہیں، جنہیں عدالت میں پیش ہونے کی ہدایت کی گئی ہے۔
نوٹسز میں کہا گیا ہے کہ ملزمان عدالتی احکامات کی تعمیل نہیں کر رہے یا روپوش ہیں۔ نوٹس میں یہ بھی واضح کیا گیا کہ یہ ملزمان کو پیش ہونے کا آخری موقع ہے، اور اگر عدالت میں پیش نہ ہوئے تو قانونی کارروائی کی جائے گی۔
