سابق ڈی جی آئی ایس آئی لیفٹیننٹ جنرل (ر) فیض حمید، جنہیں 14 سال قید کی سزا سنائی گئی ہے، پر یہ الزام بھی عائد کیا گیا ہے کہ انہوں نے ریٹائرمنٹ کے بعد بعض خفیہ سرکاری دستاویزات غیر مجاز طور پر اپنے پاس رکھیں۔ تاہم ذرائع نے یہ واضح نہیں کیا کہ یہ دستاویزات کس نوعیت کی تھیں۔
آئی ایس پی آر کے جاری کردہ اعلامیے کے مطابق سابق ڈی جی آئی ایس آئی کے خلاف چار الزامات کے تحت ٹرائل مکمل کیا گیا، جس کے بعد انہیں سزا سنائی گئی۔ کیس سے متعلق مزید تفصیلات سامنے نہیں آ سکیں جبکہ معاملے پر اعلیٰ سطح پر قانونی کارروائی مکمل ہونے کی تصدیق کی گئی ہے۔
