کلاؤڈ فلیئر میں تکنیکی خرابی سے دنیا بھر میں انٹرنیٹ سروسز متاثر

لندن: کلاؤڈ فلیئر میں تکنیکی خرابی سے دنیا بھر میں انٹرنیٹ سروسز متاثر ہوگئیں اس حوالے سے پی ٹی اے کا مؤقف بھی آگیا ہے۔برطانوی میڈیا کی رپورٹ کے مطابق کلاؤڈ فلیئر میں تکنیکی خرابی سے دنیا بھر میں ایکس سمیت متعدد ویب سائٹس اچانک بند ہوگئیں۔
صارفین کی بڑی تعداد ایکس، اسپاٹی فائی اور کینوا سمیت دیگر پلیٹ فارمز تک رسائی سے محروم ہوگئیں۔کلاؤڈ فلیئر دنیا کی اہم ترین ویب سیکیورٹی، نیٹ ورکنگ کمپنیوں میں شمار ہوتی ہے۔
ترجمان پی ٹی اے کا کہنا ہے کہ ایکس اور کلاؤڈ فلیئر کو متاثر کرنے والی بڑی عالمی خرابی کی مسلسل نگرانی کررہے ہیں، عالمی سروس فراہم کنندگان اور مقامی آپریٹرز سے رابطے میں ہیں۔
پی ٹی اے کا کہنا ہے کہ سروسز کی مکمل بحالی تک صورت حال کی نگرانی جاری رہے گی۔