سو فٹ یا اس سے زائد چوڑائی والی سڑکوں پر کرسی یا ٹیبل رکھنے پر مکمل پابندی ہوگی۔
کمشنر کراچی سید حسن نقوی نے روڈ سائیڈ ہوٹلز اور چائے خانوں کے لیے نئے ایس او پیز جاری کردیئے
جن کا مقصد فٹ پاتھ اور سڑکوں پر عوام کے آزادانہ گزرنے، ٹریفک کی روانی اور پبلک اسپیس کے منظم استعمال کو یقینی بنانا ہے۔
کمشنر کراچی سید حسن نقوی کی جانب سے جاری کردہ نئے ایس او پیز کے مطابق سڑکوں کی تین کیٹیگری ہوں گی۔
زیرو ٹولرنس روڈ ، 100فٹ یا اس سے زائد چوڑائی والے روڈ پر کرسی یا ٹیبل رکھنے کی سخت پابندی ہو گی۔ فٹ پاتھ، سروس لین یا روڈ شلڈر پر کسی قسم کی رکاوٹ سختی سے ممنوع قراردی گئی ہے۔
ریگولیٹڈ روڈز، 60–100 فٹ چوڑائی قائم شدہ کمرشل ایریاز میں صرف متعلقہ ٹاؤن آفس اور ڈپٹی کمشنر کی NOC کی اجازت کے بعد ہوٹل یا کیفے کو زیادہ سے زیادہ 5 فٹ تک اپنی جگہ کے سامنے کرسیاں رکھنے کی اجازت دی جائے گی۔ جگہ کے تعین کا فیصلہ مختار کار، ٹریفک پولیس کی تصدیق، ٹاؤن افسر کی سفارش سے ہوگا۔
علاوہ ازیں کمشنر کراچی کی ہدایت پر سیل کیے گئے روڈ سائیڈ چائے خانے، ہوٹلز ڈی سیل کر دیے
