کوئٹہ سیکیورٹی خدشات کے پیش نظر تمام تعلیمی ادارے 3 روز کے لیے بند، امتحانات ملتوی۔
کوئٹہ گیریزن کے زیرِ انتظام اور نجی شعبے کے متعدد تعلیمی اداروں میں تدریسی سرگرمیاں تین روز کے لیے معطل کر دی گئیں۔ جاری اعلامیے کے مطابق کوئٹہ گیریزن کے تمام تعلیمی ادارے بشمول آرمی پبلک اسکول، فیڈرل گورنمنٹ ایجوکیشنل انسٹیٹیوٹ، بیکن ہاؤس، دی سٹی اسکول، کوئٹہ انسٹیٹیوٹ آف میڈیکل سائنسز اور کوئٹہ کالج آف ڈینٹسٹری 12 نومبر سے 14 نومبر 2025 تک بند رہیں گے۔
*اعلامیے میں بتایا گیا ہے کہ اداروں کی بندش حفاظتی انتظامات اور ممکنہ سیکیورٹی خدشات کے باعث کی گئی ہے۔ اس دوران تمام تدریسی اور غیر تدریسی سرگرمیاں معطل رہیں گی۔
*مزید بتایا گیا ہے کہ کلاس IX اور X کے امتحانات جو 13 نومبر کو منعقد ہونے تھے، ملتوی کر دیے گئے ہیں۔ امتحانات کی نئی تاریخ کا اعلان بعد میں کیا جائے گا۔
*ذرائع کے مطابق اداروں کی انتظامیہ نے والدین اور طلبہ سے اپیل کی ہے کہ وہ افواہوں پر یقین نہ کریں اور تازہ معلومات کے لیے متعلقہ اداروں کے نوٹس بورڈز اور آفیشل ذرائع سے رجوع کریں۔
*شہر میں تعلیمی اداروں کی تین روزہ بندش کے فیصلے نے طلبہ اور والدین کو تشویش میں مبتلا کر دیا ہے، تاہم سیکیورٹی اداروں کا کہنا ہے کہ یہ اقدام حفاظتی نقطہ نظر سے ضروری ہے۔
