روس میں 15 نایاب دھاتوں کے 2 کروڑ 87 لاکھ ٹن ذخائر، پیوٹن کا بڑا حکم

: روس میں 15 نایاب دھاتوں کے 2 کروڑ 87 لاکھ ٹن ذخائر ہیں صدر پیوٹن نے اس حوالے سے بڑا حکم جاری کر دیا ہے۔
غیر ملکی خبر رساں ادارے نے روسی وزارت قدرتی وسائل کے حوالے سے خبر دی ہے کہ روس میں 15 نایاب دھاتوں کے 2 کروڑ 87 لاکھ ٹن کے ذخائر ہیں اور صدر پیوٹن نے نایاب معدنیات نکالنے کا روڈ میپ دسمبر تک تیار رہنے کا حکم دے دیا ہے۔
رپورٹ کے مطابق روس میں زیر زمین جو نایاب دھاتیں ہیں، وہ اسمارٹ فونز، برقی گاڑیوں اور جدید ہتھیاروں کی تیاری میں اہم کردار ادا کرتی ہیں۔ روسی صدر نے کابینہ کو نایاب معدنیات کی نکاسی کا منصوبہ تیار کرنے کی بھی ہدایت کر دی ہے۔
پیوٹن نے چین اور شمالی کوریا کی سرحدوں پر ٹرانسپورٹ روابط اور لاجسٹک سینٹرز قائم کرنے کی ہدایت کر دی
ہے جب کہ روسی صدر نے روس اور شمالی کوریا کے درمیان نیا ریلوے پل 2026 تک مکمل کرنے کا ہدف بھی مقرر کیا ہے۔
رپورٹ میں یہ بھی بتایا گیا ہے کہ امریکی صدر ٹرمپ نے رواں برس اپریل میں یوکرین کے ساتھ نایاب معدنیات تک ترجیحی رسائی کا معاہدہ کیا تھا۔ تاہم روس نے نایاب معدنیات کے منصوبوں میں امریکا کے ساتھ شراکت میں دلچسپی ظاہر کی ہے۔
روسی صدر کے ایلچی کے مطابق ماسکو اور واشنگٹن کے درمیان نایاب دھاتوں پر مذاکرات ہو چکے ہیں۔ یوکرین جنگ کے باعث امریکا اور روس تعلقات میں پیشرفت نہ ہونےسے منصوبے رکے۔
امریکا اپنے ذخائر بڑھانے کے لیے متبادل ذرائع کی تلاش میں مصروف ہے۔ امریکی جیولوجیکل سروے کے مطابق روس کے نایاب دھاتوں کے ذخائر 38 لاکھ ٹن ہیں۔