جنوبی افریقا نے انگلینڈ کو ہرا کر ویمنز ورلڈ کپ کے فائنل میں جگہ بنالی

جنوبی افریقا نے انگلینڈ کو 125 رنز سے شکست دے کر آئی سی سی ویمنز ورلڈ کپ کے فائنل میں جگہ بنالی۔
گوہاٹی میں کھیلے گئے میچ میں جنوبی افریقا ویمنز کی جانب سے دیے گئے 320 رنز کے تعاقب میں انگلینڈ کی ٹیم 42.3 اوورز میں 194 رنز پر ڈھیر ہوگئی، جنوبی افریقا کی کپتان لورا وولوارڈٹ کو 169 رنز کی شاندار اننگز کھیلنے پر میچ کا بہترین کھلاڑی قرار دیا گیا۔
آسٹریلیا کی کپتان نیٹ برنٹ اور ایلس کیپسی کی نصف سنچریاں رائیگاں گئیں۔
جنوبی افریقا کی جانب سے میریزین کیپ نے تباہ کن بولنگ کرتے ہوئے 5 کھلاڑیوں کو آؤٹ کیا۔
واضح رہے کہ جنوبی افریقا نے پہلے بیٹنگ کرتے ہوئے 7 وکٹ کے نقصان پر 319 رنز بنائے تھے اور انگلینڈ کو جیت کے لیے 320 رنز کا ہدف دیا تھا۔
کپتان لورا وولوارڈٹ نے 169 رنز کی اننگز کھیلی تھی، ان کی اننگ میں 20 چوکے اور 4 چھکے شامل تھے۔تزمین برٹس 45 اور میریزین کیپ نے 42 رنز بنائے۔
آسٹریلیا کی جانب سے سوفی نے چار کھلاڑیوں کو آؤٹ کیا، لورین بیل نے دو وکٹیں حاصل کیں