اینٹی نارکوٹکس فورس کی کارروائی 2 اسمگلر گرفتار

راولپنڈی(29 اکتوبر 2025): اینٹی نارکوٹکس فورس نے کارروائی کرتے ہوئے 2 اسمگلر کو گرفتار کرلیا۔
تفصیلات کے مطابق راولپنڈی بھیڈیاں کلاں روڈ قصور کے قریب کارروائی کے دوران 2 اسمگلرز گرفتار کرلیے، ملزمان کی گاڑی سے 9 کلو ہیروئن، کواڈ کاپٹر ڈرون اور آلات برآمد ہوئے ہیں۔
اےاین ایف ترجمان کا کہنا ہے کہ ملزمان نے منشیات گاڑی کے خفیہ خانوں اور سامان میں چھپا رکھی تھی، علامہ اقبال ٹاؤن لاہور میں قائم ڈرون مینو فیکچرنگ یونٹ سے جدید ڈرونز برآمد ہوا۔
ترجمان کا مزید بتانا ہے کہ ڈرون کمپنی کے ہیڈ آف فنانس کو موقع پر گرفتار کر لیا گیا، اس سے قبل اینٹی نارکوٹکس فورس (اے این ایف) نے جنوبی امریکا سے کوکین اسمگل کرنے والے گروہ کے خلاف کارروائی کے دوران 5 کلو کوکین ضبط کرلیا تھا جبکہ 2 اسمگلرز کو گرفتار کرلیا گیا۔
لاہور میں انٹیلی جنس بیسڈ کارروائیوں میں مجموعی طور پر 5 کلو کوکین برآمد کرکے کوکین سپلائی کے نیٹ ورک کی تمام سرگرمیاں ناکام بنا دی گئیں تھیں۔
اسمگلرز کے نیٹ ورک کی نگرانی کے لیے خفیہ اہلکار تعینات کیے گئے، اے این ایف افسر نے فرضی لین دین کے ذریعے نیٹ ورک کے راز فاش کیے۔ کارروائی میں دو ملزمان اور دو لگژری گاڑیاں تحویل میں لے لی گئیں۔