محب مرزا کا مردوں کو مشورہ

اداکار محب مرزا نے انکشاف کیا ہے کہ وہ کھانا بناتے اور برتن، کپڑے بھی دھوتے ہیں۔
محب مرزا اداکار اور ہدایت کار ہیں جنہوں نے بہت سے کامیاب پروجیکٹ میں اداکاری کے جوہر دکھائے ہیں، وہ میزبان بھی ہیں اور کیریئر، اسکرپٹ کے انتخاب کو ترجیح دیتے ہیں۔
اداکار دو بچوں کے والد ہیں ان کی پہلی شادی سے بیٹی اور حال ہی میں انہوں نے اور صنم سعید نے بیٹے حسن مرزا کا استقبال کیا۔
محب مرزا نے حالیہ انٹرویو میں مردوں کو مشورے دیے ہیں۔
اداکار نے کہا کہ میرے گھر میں کُک تین دن آتے ہیں، کپڑے اور برتن خود دھوتے ہیں، صفائی کے لیے کام کرنے والا روزانہ آتا ہے۔
انہوں نے کہا کہ میں صرف بیٹے کے ڈائپر ہی نہیں بدلتا برتن بھی دھوتا ہوں، یہ ہر باپ کا معمول کا کام ہے، جیسا کہ ماں کھانا کھلاتی ہے اور بہت ساری ذمہ داریاں اٹھاتی ہے تو باپ بھی ڈائپر بدل سکتا ہے۔
محب مرزا نے کہا کہ میرے والد ٹیبل سے پلیٹ اٹھا کر دھوکر رکھتے تھے، والد نے یہ سکھایا کہ کس طرح سب کو برابر کے کام کرنا چاہیے۔
اداکار نے کہا کہ بچے کی پیدائش کے بعد ایک دوسرے کو وقت دینا ضروری ہے، ظاہر ہے کہ ایک شیر خوار بچہ آپ کا سارا وقت لے گا لیکن اس بات کو یقینی بنائیں کہ آپ ایک دوسرے کے ساتھ ہوں۔