یورپی کمیشن نے کہا ہے کہ سوشل میڈیا پلیٹ فارمز انسٹاگرام اور فیس بک نے صارفین کو غیر قانونی مواد کی رپورٹنگ یا شکایت کرنے کا آسان طریقہ فراہم نہ کر کے یورپی یونین کے قوانین کی خلاف ورزی کی ہے۔
ابتدائی نتائج کے مطابق، یورپی کمیشن نے بتایا کہ میٹا (فیس بک اور انسٹاگرام کی مالک کمپنی) نے صارفین کے لیے رپورٹ جمع کرانے کے عمل میں غیر ضروری مراحل رکھے، جس سے رپورٹنگ کا عمل پیچیدہ اور الجھا ہوا محسوس ہوتا ہے۔
کمیشن کا کہنا تھا کہ دونوں پلیٹ فارم گمراہ کن ڈیزائن استعمال کر کے صارفین کو الجھا سکتے ہیں اور ناامید کر سکتے ہیں، اور صارفین کے لیے ‘نوٹس اور ایکشن’ کا مؤثر میکانزم فراہم نہیں کرتے۔
تاہم، میٹا نے ان الزامات کی تردید کی ہے اور کہا کہ انہوں نے کسی قانون کی خلاف ورزی نہیں کی۔
