نیویارک میئر کے لئے ڈیمو کریٹک پارٹی کے نامزد امیدوار زہران ممدانی کا کہنا ہے کہ انتخابی مہم کے پہلے دن سے مخالفین نے مجھے مسلمان ہونے پر نشانہ بنایا۔
غیر ملکی ذرائع ابلاغ کے مطابق زہران ممدانی نے نیویارک میں جذباتی تقریر کرتے ہوئے کہا کہ انتخابی مہم کے دوران نسل پرستانہ اور بے بنیاد الزامات لگائے گئے۔
انہوں نے کہا کہ یہ اسلامو فوبیا ہے جس کی شدید مذمت کرتا ہوں، نیویارک کی تاریخ میں پہلی بار مسلمان مئیر امیدوار ہے، میں ہر شہری کیلئے لڑ رہا ہوں۔
رپورٹس کے مطابق نیویارک کے مئیر کیلئے ارلی ووٹنگ آج سے شروع ہوگی جو دو نومبر تک جاری رہے گی۔
امریکی سروے کے مطابق ڈیموکریٹس کے ظہران ممدانی کی جیت کی امید ہے، تاہم مئیر کیلئے انتخابات کیلئے پولنگ چار نومبر کو ہوگی۔
اس سے قبل امریکی صدر ڈونلڈ ٹرمپ نے ممدانی کو شدید تنقید کا نشانہ بناتے ہوئے کہا تھا کہ ممدانی کو ووٹ دینے کا لوگوں کو کوئی فائدہ نہیں ہوگا۔
ٹرمپ نے میئر نیویارک کے لیے ڈیموکریٹک پارٹی کے نامزد امیدوار زہران ممدانی کو شدید تنقید کا نشانہ بناتے ہوئے کہا تھا کہ ممدانی کو امریکی حکومت سے تاریخی مشکلات پیش آئیں گی۔
امریکی صدر کا کہنا تھا کہ زہران ممدانی کو وعدے پورے کرنے کے لیے امریکی صدر سے رقم درکار ہوگی اور انہیں پیسے نہیں دیے جائیں گے، اس لیے انہیں ووٹ دینے کا کوئی فائدہ نہیں ہوگا۔
