امریکا کس ملک پر حملے کی تیاری کر رہا ہے؟

امریکی جنگی جہاز وینزویلا کے ساحل پر منشیات روکنے کے لیے نہیں بلکہ طاقت کے مظاہرے کیلئے موجود ہیں۔ امریکا کا دعویٰ منشیات سے جنگ کا ہے مگر وینزویلا کے قریب بیڑہ کچھ اور کہانی سناتا ہے۔
خبر ایجنسی کے مطابق 10ہزار امریکی فوجی اور 10جنگی بحری جہاز جنوبی کیریبین میں تعینات ہیں۔ امریکی بیڑے میں ایٹمی آبدوز، کئی تباہ کن جہاز اور میزائل بردار کروزر بھی شامل ہیں۔
امریکا اب تک 7کشتیوں پر بمباری کر چکا ہے جس میں 32سے زائد افراد ہلاک ہوچکے ہیں۔ امریکی حکومت نے وینزویلا کو براہ راست فوجی کارروائی کی دھمکی بھی دے رکھی ہے۔

اطلاعات کے مطابق پینٹاگون نے وینزویلا پر حملے کی منصوبہ بندی مکمل کر لی ہے اور صدر ٹرمپ نے سی آئی اے کو وینزویلا میں خفیہ آپریشنز کی اجازت بھی دے رکھی ہے۔
امریکی صدر ٹرمپ وینزویلا کے صدر مادورو کو منشیات فروش گروپ کا سربراہ کہتے ہیں جس کے لیے امریکا نے وینزویلا کے صدر کے سر کی قیمت5 کروڑ ڈالر مقرر کر رکھی ہے۔
تجزیہ کاروں کے مطابق امریکا کا ہدف منشیات نہیں بلکہ مادورو حکومت کا خاتمہ ہے۔ ٹرمپ کےاقدامات کو عالمی ماہرین سیاسی تھیٹر اور انتخابی حکمت عملی قرار دے رہے ہیں

امریکا کس ملک پر حملے کی تیاری کر رہا ہے؟