ایک ہی گھر کے 11 افراد نابینا!

راولپنڈی (23 اکتوبر 2025) پنڈی کے نواح میں ایک ایسا گھرانہ بھی ہے جس کے تمام 11 افراد نابینا ہیں اور بے بسی کی تصویر بنے ہوئے ہیں۔
آنکھیں اللہ تعالیٰ کی بہت بڑی نعمت ہے اور اسکی قدر وہی جانتا ہے، جو بصارت سے محروم تاریکیوں میں زندگی گزار رہا ہے۔ ایسا ہی ایک گھرانہ پنڈی کے نواح میں موجود ہے، جس کے گھر کے ایک دو نہیں بلکہ تمام 11 افراد ہی بصارت سے محروم ہیں۔
والدین اور بچے بصارت نہ ہونے کی وجہ سے کوئی کام نہیں کر سکتے اور زندگی کی گزر بسر بھیک مانگ کر کرتے ہیں جب کہ انکا گھر بھی انتہائی خستہ حال ہے۔
ان کا کہنا ہے کہ وہ بھیک مانگنا نہیں چاہتے۔ ہماری وزیراعلیٰ پنجاب سے درخواست ہے کہ ہمارا مکان تعمیر کرایا جائے اور معقول ماہانہ وظیفہ مقرر کیا جائے تاکہ وہ بھی معاشرے میں عزت کی زندگی گزار سکیں۔