2600 ٹیسٹ میچوں اور کرکٹ کی 150 سالہ تاریخ کا منفرد ریکارڈ قائم

بھارت اور ویسٹ انڈیز کے درمیان کھیلے گئے دہلی ٹیسٹ میں کرکٹ کی 150 سالہ تاریخ کا منفرد ریکارڈ قائم ہو گیا ہے۔
کرکٹ ایک ایسا کھیل ہے، جس میں آئے دن ریکارڈ بنتے اور ٹوٹتے رہتے ہیں۔ تاہم دہلی میں ویسٹ انڈیز اور بھارت کے درمیان کھیلے گئے ٹیسٹ میچ میں ایسا منفرد ریکارڈ بنا۔ جو ٹیسٹ کرکٹ کی 150 سالہ تاریخ اور اس دوران کھیلے گئے 2600 ٹیسٹ میچز میں  کبھی نہیں ہوا۔
دہلی ٹیسٹ جیت کر بھارت نے ویسٹ انڈیز کے خلاف دو ٹیسٹ میچوں کی سیریز میں کلین سوئپ کر لیا۔ تاہم یہ میچ بھارت کی جیت کے ساتھ اس منفرد ریکارڈ کی وجہ سے بھی یاد رکھا جائے گا۔
اس ٹیسٹ میچ میں بھارت نے پہلی اننگ پانچ وکٹوں کے نقصان پر 518 رنز بنا کر ڈکلیئر کی۔ میزبان ٹیم کے بلے بازوں نے اس دوران 134.2 اوورز کھیلے۔
آپ سوچ رہے ہوں گے یہ تو کوئی ریکارڈ نہیں۔ یقیناً یہ ریکارڈ نہیں لیکن اس اننگ کے دوران ایک بھی ’’بائے‘‘ یا ’’لیگ بائے‘‘ کا رن نہ بن سکا۔
یہ وہ انوکھا ریکارڈ ہے جو اس سے قبل کبھی نہیں بنا۔ تاہم 2018 میں بنگلہ دیش نے سری لنکا کے خلاف 513 رنز بنائے تھے اور اس میں ایک بھی بائے یا لیگ بائے کا رنز نہیں تھا۔ تاہم اس میں نو بال اور وائیڈ بال کے رنز تھے۔
اس میچ میں بھارت کی پہلی اننگ میں ویسٹ انڈیز کے بولرز نے 134.2 اوورز کرائے، لیکن اس میں ایک بھی نو بال نہیں تھی۔ 518 کے مجموعہ میں صرف دو رنز ایکسٹرا کے تھے اور وہ وائیڈ بال کے تھے۔
پاک بھارت کھلاڑیوں نے بالآخر ہاتھ ملا لیے