بالی ووڈ کے شہنشاہ اور مداحوں کے دلوں پر راج کرنے والے امیتابھ بچن کی زندگی خود ایک عزم و عمل کی شاندار کہانی ہے
امیتابھ بچن 11 اکتوبر 1942 کو الہ آباد میں ہندی مشہورشاعر ہری ونش رائے بچن اور سماجی کارکن تیجی بچن کے گھر پیدا ہوئے تھے۔
انہیں ہندوستانی سنیما کی تاریخ کے سب سے بڑے ، سب سے قابل اور کامیاب اداکاروں میں سے ایک سمجھا جاتا ہے
انہوں نے اپنے فلمی کرئیر کا آغاز 1969 میں فلم بھون شوم میں ایک آواز راوی کے طور پر کیا۔
پانچ دہائیوں پر محیط سنیما کیریئر کے ساتھ، انہوں نے 200 سے زیادہ فلموں میں کام کیا۔ انہیں بالی ووڈ کا شہنشاہ ، اسٹار آف دی ملینیم اور بگ بی کہا جاتا ہے۔ وہ چھ نیشنل فلم ایوارڈز اور سولہ فلم فیئر ایوارڈز سمیت متعدد اعزازات حاصل کر چکے ہیں۔
انہوں نے 1970 کی دہائی میں آنند، زنجیر،روٹی کپڑا اور مکان جیسی فلموں سے مقبولیت حاصل کی
انہوں نے 1970 کی دہائی کے وسط سے 1980 کی دہائی تک مسلسل سب سے زیادہ کمائی کرنے والی ہندوستانی فلموں میں اداکاری کی ان کی کامیاب اور مشہور فلموں میں دیوار، شعلے، کبھی کبھی، ہیرا پھیری، امر اکبر انتھونی، پرورش اور شہنشاہ شامل ہیں۔
مگر اصل شہرت انہیں 1973 کی فلم زنجیر سے ملی، جس کے بعد وہ “انگری” ینگ مین کے طور پر پہچانے جانے لگے۔
امیتابھ بچن کو پدما شری ، پدما بھوشن 2001 پدما بھوشن 2015 جیسے اعلیٰ اعزازات سے نوازا جا چکا ہے۔
ایک ہالی ووڈ فلم دی گریٹ گیٹسبی (2013) میں بھی کام کیا
انہوں نے اپنے کیریئر میں بے شمار تعریفیں جیتی ہیں جو ان کی مقبولیت کا منہ بولتا ثبوت ہے
حکومت فرانس نے انہیں 2007 میں سینما کی دنیا میں ان کے غیر معمولی کیریئر کے لیے اپنے اعلیٰ ترین شہری اعزاز، آفیسر آف دی لیجن آف آنر سے نوازا۔
گزشتہ دنوں بگ بی کی سالگرہ پر ان کے لاکھوں فینز نے سوشل میڈیا پر انہیں مبارکباد دیں، اور ان کے گھر “جلسا” کے باہر بڑی تعداد میں جمع ہوئے تاکہ اپنے پسندیدہ اداکار کو خراجِ تحسین پیش کر سکیں۔
ہم بھی ان کو سالگرہ کے پرمسرت موقع پر ان کو دل کی گہرائیوں سے ڈھیروں مبارکباد پیش کرتے ہیں اور
دعا گو ہیں کہ امیتاب بچن صحت مند، خوشحال اور کامیاب زندگی گزارتے رہیں۔ ان کی زندگی واقعی ایک زندہ لیجنڈ کی عکاسی کرتی ہے۔
