سارہ خان اور فلک شبیر کی بیٹی کی سالگرہ کی تصاویر وائرل

شوبز انڈسٹری کی معروف جوڑی سارہ خان اور فلک شبیر کی بیٹی عالیانہ فلک کی چوتھی سالگرہ کی تصاویر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ سارہ خان نے تصاویر شیئر کیں جس میں انہیں بیٹی کی سالگرہ کا جشن مناتے دیکھا جاسکتا ہے جبکہ ننھی عالیانہ نے خوبصورت فراک زیب تن کی ہے۔
اداکارہ سارہ خان نے اپنی اکلوتی بیٹی عالیانہ فلک کی چھوٹی سی یومِ پیدائش کی تقریب کی تصاویر شیئر کیں، ساتھ ہی انہوں نے کیپشن میں لکھا کہ “ہماری دنیا کی سب سے روشن ستارے کو چوتھا یومِ پیدائش مبارک
سارہ خان نے اپنے شوہر، گلوکار فلک شبیر کے ساتھ مشترکہ تین تصاویر پوسٹ کی، یومِ پیدائش کی تصاویر میں دو گروپ تصاویر تھیں  جبکہ تیسری تصویر میں برتھ ڈے کو ڈوڈل وال پر ڈرائنگ میں رنگ بھرتے دیکھا جا سکتا ہے، جس پر ’عالیانہ کی پکنک‘ کا سائن موجود تھا۔
انہوں نے چند گھنٹوں قبل تصاویر شیئر کیں جسے لاکھوں کی تعداد میں مداح دیکھ چکے ہیں اور عالیانہ کو برتھ ڈے کی مبارک باد دے رہے ہیں، پاکستان شوبز انڈسٹری کی معروف شخصیات نے بھی عالیانہ کو سالگرہ کی مبارک باد پیش کی۔
یاد رہے کہ یہ خوبصورت جوڑا 16 جولائی 2020 کو شادی کے بندھن میں بندھا تھا، 8 اکتوبر 2021 کو ان کے گھر بیٹی عالیانہ کی پیدائش ہوئی۔
دریں اثنا سوشل میڈیا پر یہ افواہیں گردش کر رہی ہیں کہ یہ مشہور جوڑی اپنے دوسرے بچے کی توقع کر رہی ہے، تاہم، نہ تو سارہ خان اور نہ ہی ان کے شوہر نے ابھی تک ان قیاس آرائیوں کی تصدیق یا تردید کی ہے