تفصیلات کے مطابق خیبرپختونخوا کے وزیر اعلیٰ کو عہدے سے ہٹانے کے ایک دن بعد بانی پی ٹی آئی نے ارکان کو قائمہ کمیٹیوں سےاستعفے دینے کی ہدایت کردی۔
جس کے بعد پی ٹی آئی کے اراکین نے پنجاب اسمبلی کی تمام قائمہ کمیٹیوں سےاستعفے دے دئیے، اراکین نے استعفے پنجاب اسمبلی سیکریٹریٹ میں جمع کرا دئیے ہیں۔
پنجاب اسمبلی کی قائمہ کمیٹیوں سے پی ٹی آئی کے مستعفی ارکان کی تعداد 7 ہوگئی ہے ، اسمبلی میں پی ٹی آئی کے پاس پی اے سی سمیت متعدد کمیٹیوں کی چیئرمین شپ ہے.
پنجاب اسمبلی میں پی ٹی آئی کے چیف وہیپ رانا شہباز نے بھی مستعفی ہونے کا اعلان کر دیا ، مستعفی ہونیوالوں میں حافظ فرحت، امتیاز محمود، اویس ورک بھی شامل ہیں جبکہ حمبل ثنا، ممتاز فرخ جاوید مون ،شیخ امتیاز بھی کمیٹیوں سے استعفیٰ دے چکے ہیں۔
قائمہ کمیٹیوں کی چیئرمین شپ سے استعفے اسپیکر آفس بھجوا دیے گئے ، امتیاز محمود نے قائمہ کمیٹی لوکل گورنمنٹ کی چیئرمین شپ سے استعفیٰ دیا جبکہ قائمہ کمیٹی برائےپرائس کنٹرول اویس ورک بھی چیئرمین شپ سے مستعفی ہوئے۔
اس کے علاوہ قائمہ کمیٹی استحقاق میں پی ٹی آئی کے رکن راناشہباز ، ائمہ کمیٹی زراعت کے رکن ہنبل ثنا کریمی نے استعفیٰ دیا۔
یاد رہے گذشتہ روز بانی پی ٹی آئی نے پنجاب اسمبلی کی قائمہ کمیٹیوں سے مستعفی ہونے کی ہدایت کی تھی
