غیر ملکی ذرائع ابلاغ کے مطابق یہودی مسافروں کو طیارے سے اتارنے کا واقعہ جولائی کے ماہ میں پیش آیا تھا، جب مسافروں نے عملے کی ہدایات کو نہیں مانا اور عبرانی زبان میں گانے گانا شروع کردیئے۔
رپورٹس کے مطابق طیارے کے عملے نے ان کو دو بار روکنے کی کوشش کی، لیکن جب وہ نہیں رکے تو پولیس طلب کی گئی اور سب کو طیارے سے اترنے کا حکم دیا گیا۔
والنسیا ائیرپورٹ، اسپین:
53 یہودی مسافر طیارے سے اتار دیے گئے کیونکہ انہوں نے عملے کی وارننگ کے باوجود عبرانی زبان میں گانے گائے۔ یہ گروپ یہودی سمر کیمپ سے واپس آرہا تھا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ کیمپ ڈائریکٹر کو زمین پر جھکایا گیا، ہاتھ باندھے گئے اور گرفتار کیا گیا، حالانکہ بعد میں مبینہ طور پر اسے نامکمل دستاویز پر چھوڑ دیا گیا۔
ایئرلائن کی جانب سے دعویٰ کیا جارہا ہے کہ اس اقدام کا مقصد امتیازی رویہ نہیں بلکہ طیارے میں شور، ایمرجنسی آلات کے استعمال اور بورڈنگ کے دوران عملے کی ہدایات کی خلاف ورزی تھی، یعنی ”بہت زیادہ ڈسٹرب کرنے والا رویہ“ تھا۔جس سے دیگر مسافر پریشان ہورہے تھے۔
اسپین کے سول گارڈ نے کہا ہے کہ عملے نے یہ فیصلہ اس لیے کیا کیونکہ وہ حکم کی خلاف ورزی کا سلسلہ روک نہیں پارہے تھے، انہیں مذہبی پس منظر کے بارے میں کچھ علم نہیں تھا
