کامیابی اور شہرت کی قیمت ادا کرنا پڑتی ہے، حمیرا ارشد

گلوکارہ حمیرا ارشد نے حال ہی میں نجی ٹی وی کے مزاحیہ پروگرام میں شرکت کی اور اس دوران اپنے کیریئر اور دیگر موضوعات پر اظہار خیال کیا۔
انہوں نے کہا کہ مجھے گانے کا بچپن سے ہی شوق تھا، سب لوگوں کو معلوم ہے کہ میری والدہ مجالس پڑھتی ہیں اور ان کے ساتھ ہی پی ٹی وی پر آئی تھی وہاں پر گانا گیا۔
حمیرا ارشد نے کہا کہ کبھی سوچا نہیں تھا کہ گلوکارہ بنوں گی، میں نے گانا گیا وہ ہٹ ہوگیا، میرے لیے وہ لمحہ کرم کا لمحہ تھا کہ اللہ جب کسی پر مہربانی کرتا ہے تو اس کی برائی بھی اچھائی بن جاتی ہے۔
گلوکارہ نے کہا کہ بہت سارے مداح ملے ہیں اور ایسے واقعات بھی ہیں جو مجھے یاد رہ گئے، ایک جگہ شادی کا شو تھا ایک کوئی بندہ جھاڑو دے رہا تھا مجھے دیکھ کر اس کی آواز بند ہوگئی اور میرا نام لے رہا تھا۔
انہوں نے کہا کہ وہ جھاڑو دینا چھوڑ کر بیٹھ گیا اور مجھے دیکھ کر شرمانے لگا۔
حمیرا ارشد نے کہا کہ مجھے ایسا لگتا ہے کہ ہر کامیابی کی آپ کو قیمت چکانا پڑتی ہے سب سے پہلی آپ کی پرائیویسی ہے، کیونکہ آرٹسٹ بنتے ہی آپ کی پرائیویسی ختم ہوجاتی ہے، آپ کہیں کھڑے ہیں تو دیکھنے والا کوئی نہ کوئی بات ضرور کرتا ہے۔
گلوکارہ نے کہا کہ مشہور ہونے کے بعد ذاتی خوشیاں ختم ہوجاتی ہیں، عروج میں آپ اکیلے نہیں ہوتے زوال میں تنہا ہوجاتے ہیں، جب آپ کا زوال شروع ہوتا ہے تو لوگ ساتھ نہیں ہوتے