پاکستان ٹیم کس طرح کی میٹنگ کرتی ہے، مجھے سمجھاؤ؟ شعیب اختر پھٹ پڑے

نجی چینل کے پروگرا میں تجزیہ کرنے کےلیے موجود پاکستان کے سابق کرکٹر شعیب اختر سے میزبان نے سوال کیا کہ بطور فاسٹ بولر آپ کو پتا ہوگا کہ نئے بال سے فاسٹ بولرز کو ایڈوانٹیج حاصل ہوتا ہے تاہم اگر آپ کا پلان کام نہیں کررہا ہو تو پھر کیا کرنا چاہیے۔
شعیب اختر کا اس سوال کا جواب دیتے ہوئے کہنا تھا کہ اگر ایک فاسٹ بولر ٹھیک بولنگ نہیں کررہا تو پھر آپ دوسرے فاسٹ بولر کا استعمال کریں یا پھر تیسرے فاسٹ بولر کو لے آئیں۔
دنیا کے تیز ترین بولر نے ٹیم میٹنگ پر سوال اٹھاتے ہوئے کہا کہ جب آپ ٹیم میٹنگ کرتے ہیں تو وہ کس طرح کی میٹنگ ہوتی ہے، مجھے سمجھائیں کہ اس طرح کی فضول میٹنگز کس طرح ہوسکتی ہیں۔
انھوں نے نشاندہی کی کہ آپ نے اپنے اسٹار پلیئر کو چھوڑ دیا ایک میچ ونر کو چھوڑ دیا تو یہ کس طرح کی کوچنگ ہے اور کس طرح کا طریقہ کار ہے۔
میں اب تک نہیں سمجھ سکا یہ کس طرح کی کال تھی اور یہ کہ حسن نواز کو دو میچوں کے بعد کیوں بینچ پر بیٹھایا گیا، اسے بالکل بھی بینچ پر نہیں بٹھانا چاہیے تھا۔
شعیب اختر نے کہا کہ آپ نہیں جانتے کہ آپ نے حارث کے حوالے سے غلط فیصلہ لیا، آپ نے فہیم سے متعلق غلط فیصلہ لیا، مجھے نہیں پتا کہ ان کے سوچنے کا زاویہ کیا تھا