حکومت کی جانب سے صوبوں کو فراہم کردہ میڈیکل ایڈ کی تفصیلات سامنے آگئی

ذرائع کے مطابق خیبرپختونخوا، جی بی کیلئے میڈیکل ایڈ این ڈی ایم اے کے زریعے بھجوائی گئی، صوبوں کیلئے ادویات، سامان ڈریپ، وفاقی اسپتالوں نے فراہم کیا ہے، کے پی، جی بی کیلئے 3760 کلو جان بچانے والی ادویات، سامان بھجوایا گیا۔
ذرائع کا کہنا ہے کہ کے پی، جی بی کو ویکسین، تشخیصی کٹس، سرجیکل آلات، مچھر دانیاں بھجوائی گئیں، وفاقی حکومت نے خیبرپختونخوا کیلئے 3410 کلو میڈیکل آئٹمز بھجوائے ہیں، خیبرپختونخوا کو 16 ہزار اینٹی بائیوٹک، بخار کی 14 ہزار ڈوزز بھجوائی گئی ہیں۔
حکومت نے خیبرپختونخوا کیلئے 10 ہزار پین کلر ڈوزز، چھ ہزار نمکول ساشے بھجوائے ہیں،کے پی کو ڈھائی لاکھ پینٹا ویلنٹ، ڈیڑھ لاکھ خسرہ ویکسین ڈوزز بھجوائی گئی ہیں، کے پی میڈیکل کیمپس کیلئے 32694 ادویات، میڈیکل آلات بھجوائے گئے۔
وفاقی حکومت کی میڈیکل ریپڈ رسپانس ٹیمیں تاحال بونیر، شانگلہ میں ہیں، وفاقی حکومت نے گلگت بلتستان کیلئے 350 کلو میڈیکل آئٹمز بھجوائے ہیں، جی بی کیلئے 40 ہزار درد کش، 1400 اینٹی بائیوٹک ڈوزز بھجوائی ہیں۔
گلگت بلتستان کیلئے 1 ہزار اینٹی الرجک، امراض معدہ کی 150 ڈوزز بھجوائی ہیں، گلگت بلتستان کیلئے ایک ہزار یونٹ سرجیکل ڈسپوزیبلز بھجوائے گئے ہیں۔
وزارت صحت یو این ایجنسیز، ڈویلپمنٹ پارٹنرز کے ساتھ رابطے میں ہے، یو این ڈویلپمنٹ پارٹنرز 220114 ڈالرز کی میڈیکل ایڈ فراہم کر چکے ہیں، ڈبلیو ایچ او شدید غذائی قلت کا شکار بچوں کیلئے خصوصی خوراک فراہم کر رہا ہے۔
کے پی، آزادکشمیر، جی بی کے غذائی قلت کا شکار بچوں کو خوراک مل رہی ہے، ڈبلیو ایچ او 48 سٹیبلائزیشن سنٹرز کیلئے 35 ہزار خصوصی خوراکیں فراہم کر چکا ہے۔
حکومت کی جانب سے ڈبلیو ایچ او کی خوراکیں شدید غذائی قلت کا شکار 5200 بچوں کو دی گئی ہیں، پنجاب، سندھ حکومتوں نے وفاق سے تاحال میڈیکل ایڈ بھجوانے کی اپیل نہیں کی