بھارتی کپتان سوریا کمار یادوو نے فائنل جیتنے کی صورت میں چیئرمین ایشین کرکٹ کونسل محسن نقوی کے ہاتھ سے ٹرافی لینے سے انکار کردیا۔
پاکستان کرکٹ بورڈ (پی سی بی) اور انٹرنیشنل کرکٹ کونسل (آئی سی سی) کے ساتھ ساتھ ایشین کرکٹ کونسل (اے سی سی) کے درمیان جاری تنازعہ کے باعث ایشیا کپ کھٹائی میں پڑ گئی ہے۔
اتوار کو بھارت اور پاکستان کے درمیان “نو ہینڈ شیک” کے واقعے سے شروع ہونے والا تنازعہ اس وقت شدت اختیار کرگیا جب پاکستان نے ٹورنامنٹ سے دستبرداری کی بات کی۔
بھارتی کپتان نے پاکستان کے خلاف میچ میں اسپورٹ مین اسپرٹ کی خلاف ورزی کرتے ہوئے قومی کھلاڑیوں سے ہاتھ نہیں ملائے، اور ٹاس کے دوران بھی میچ ریفری نے کپتانوں سے ہاتھ نہ ملانے کی درخواست کی تھی۔
میچ کے بعد بھی دونوں کھلاڑیوں نے ہاتھ نہیں ملائے اور بھارتی کھلاڑی سیدھا اپنے ڈریسنگ روم چلے گئے تھے، احتجاجاً قومی ٹیم کے کپتان سلمان علی آغا نے بھی اختتامی تقریب میں شرکت نہیں کی تھی۔ بعد ازاں، پی سی بی نے میچ ریفری اینڈی پائیکرافٹ کو ایشیاکپ سے ہٹانے کا مطالبہ کیا تھا۔
تاہم اب این ڈی ٹی وی کی رپورٹ کے مطابق بھاری کپتان سوریا کمار یادیو نے ایشیا کپ 2025 کی ٹرافمی جیتنے سے قبل ہی ایک اور مطالبہ کر دیا ہے۔
این ڈی ٹی وی کے مطابق بھارتی ٹی 20 ٹیم کے کپتان سوریا کمار یادو نے ایشین کرکٹ کونسل سے کہا ہے کہ وہ ایشین کرکٹ کونسل کے چیئر مین محسن نقوی سے ٹرافی نہیں لیں گے۔
بھارتی کپتان کی جانب سے ایشین کرکٹ کونسل سے ٹورنامنٹ کی اختتامی تقریب میں چیئرمین ایشین کرکٹ کونسل محسن نقوی کو نہ بلانے کا مطالبہ کیا گیا ہے۔
