بڑی عمر میں بھی محبت اور شادی ہوتی ہے، اسما عباس

اداکارہ اسما عباس نے حال ہی میں نجی ٹی وی کے شو میں شرکت کی جہاں میزبان نے پوچھا کہ شادی کے بعد آپ نے شوبز سے کئی برس تک کنارہ کشی اختیار کی تو اس وقت زندگی میں کچھ کمی محسوس ہوئی؟
انہوں نے کہا کہ اس وقت مجھے انتا محسوس نہیں لیکن اب جب اس عمر میں آنے کے بعد دوبارہ کام شروع کیا ہے تو اب نہیں چھوڑوں گی۔
اسما عباس نے شکوہ کیا کہ اب ایک ہی کام کرتے کرتے دھک گئی ہوں مختلف کرداروں کی پیشکش ہو تو میں کروں ورنہ گھر داری ٹھیک ہے۔
انہوں نے کہا کہ ہمیں تو صرف والدین کے کرداروں کی پیشکش ہوتی ہے۔ ایسے موضوعات یا کہانیوں پر ڈرامے نہیں بنتے جس کی کہانی کا مرکز بڑی عمر کے افراد ہوں۔ اداکارہ نے شکوہ کرتے ہوئے کہا کہ اس عمر میں بھی محبت اور شادی ہوتی ہے، کیا بشریٰ انصاری اور ثمینہ احمد نے اس عمر میں شادی نہیں کی؟ کیا اس طرح کی کہانیاں ہم اپنے ڈراموں میں نہیں دیکھا سکتے؟
اس سے قبل اسما عباس نے اپنے یوٹیوب چینل پر ایک ویڈیو میں شادی شدہ لڑکیوں کو خاصی نصیحت کی تھی، اداکارہ نے مشورہ دیا تھا کہ شادی کے بعد ہر چھوٹی چھوٹی بات اپنی والدہ کو نہ بتائیں، اس سے گھر برباد ہوجاتے ہیں، شادی شدہ لڑکیوں کو سمجھنا چاہیے سسرال کی ایک ایک بات فون پر والدہ کو نہیں بتاتے۔
سینئر اداکارہ نے زور دیتے ہوئے کہا تھا کہ میں خصوصی طور پر ماؤں اور ان کی شادی شدہ بیٹیوں کو پیغام دینا چاہتی ہوں کہ وہ ایک دوسرے کا پیچھا چھوڑ دیں